„Þeir eru með Bruno Fernandes sem er örugglega sá besti í deildinni hingað til. Geggjaður leikmaður," sagði Einar Guðnason í hlaðvarpsþættinum „Enski boltinn" á Fótbolta.net í dag þegar rætt var um Manchester United.
Hinn 26 ára gamli Bruno hefur slegið í gegn hjá Manchester United síðan hann kom til félagsins frá Sporting Lisabon í janúar.
Portúgalinn skoraði og lagði upp mark í 2-2 jafnteflinu gegn Leicester um helgina.
„Ole Gunnar var fljótur að afhenda honum lyklana að liðinu. Liðið byggist mikið á því að hann fái að vera mikið í boltanum," sagði Jón Kaldal.
„Það er ótrúlega gaman að horfa á þennan strák spila fótbolta. Það er mikill vilji og hann tekur félagana með sér. Það er frábært að fá hann í deildina."
Einar bætti við: „Þetta er gæi sem er óhræddur við að skjóta hvar em er og hann er að skora hvar sem er."
Hér að neðan má hlusta á þátt dagsins. Það eru White Fox, Viking gylltur (léttöl) og Domino's sem bjóða upp á þáttinn.
Athugasemdir