Paul Scholes, fyrrum leikmaður Manchester United, var ekki hrifinn af því að sjá Svíann Victor Lindelöf í hægri bakverði gegn Leicester á laugardag.
Aaron Wan-Bissaka var frá vegna meiðsla og Ole Gunnar Solskjær ákvað að spila Lindelöf í hægri bakverði en það er staða sem hann hefur nokkrum sinnum leyst á sínum ferli, meðal annars þegar hann var leikmaður Benfica í Portúgal.
Lindelöf hefur bara verið notaður sem miðvörður hjá Man Utd en á laugardag spilaði hann í hægri bakverði. Scholes var ekki hrifinn af því sem hann sá.
„Ég held að við munum ekki sjá þetta aftur," sagði Scholes á BT Sport. „Ég vona að við sjáum þetta ekki aftur. Það hljóta að vera betri möguleikar."
Solskjær, stjóri Man Utd, gaf það í skyn eftir leikinn í gær að Lindelöf gæti þurft á bakaðgerð að halda.
Athugasemdir