Christian Eriksen var í byrjunarliði Manchester United í 3-1 sigri gegn Reading í gærkvöldi.
Man Utd komst þannig áfram í næstu umferð enska bikarsins en danski miðjumaðurinn Christian Eriksen þurfti að fara meiddur af velli eftir 57 mínútur þegar Andy Carroll tæklaði hann harkalega.
Darren England dæmi aukaspyrnu á brotið en sóknarmaðurinn hávaxni slapp óskiljanlega við spjald. Nokkrum mínútum síðar fékk hann þó gult spjald fyrir annað brot og var svo sendur í sturtu skömmu þar á eftir með seinna gula spjaldið.
Óljóst er hversu alvarleg meiðslin eru en þetta gæti orðið mikill skellur fyrir Rauðu djöflana í ljósi þess að Eriksen er mikilvægur hlekkur í byrjunarliðinu.
????Christian Eriksen has left Old Trafford on crutches…???? #MUFC
— Stretford Paddock (@StretfordPaddck) January 28, 2023
pic.twitter.com/a259SCDgWF