Hinn 31 árs gamli Özil fékk þau skilaboð síðastliðið sumar að hann mætti fara frá Arsenal en hann var ekki inni í myndinni hjá þáverandi stjóra Unai Emery.

Özil fékk hins vegar endurnýjun lífdaga eftir að Mikel Arteta tók við og byrjaði alla tíu leikina undir hans stjórn í ensku úrvalsdeildinni áður en keppni var stöðvuð í mars.

Forráðamenn Arsenal hafa hins vegar ekki ennþá boðið Özil nýjan samning og því gæti hann verið seldur í sumar eða farið frítt sumarið 2021.

Özil gerði síðast nýjan samning í janúar 2018 sem færir honum 350 þúsund pund í laun á viku en forráðamenn félagsins hafa verið gagnrýndir fyrir að gefa Þjóðverjanum svona háan samning.