PAOK 2 - 1 AEK Aþena
0-1 K. Galanopoulos ('70)
1-1 M. Krmencik ('85)
2-1 A. Zivkovic ('96)
0-1 K. Galanopoulos ('70)
1-1 M. Krmencik ('85)
2-1 A. Zivkovic ('96)
Sverrir Ingi Ingason lék allan leikinn er PAOK tryggði sér sæti í úrslitaleik gríska bikarsins með sigri gegn sterkum andstæðingum frá Aþenu.
PAOK vann fyrri leikinn 0-1 á útivelli og stjórnaði gangi mála í fyrri hálfleik í dag en inn vildi boltinn ekki.
Síðari hálfleikurinn var gríðarlega fjörugur þar sem bæði lið fengu góð færi. Fyrst klúðruðu heimamenn í PAOK vítaspyrnu áður en gestirnir frá Aþenu tóku forystuna með marki á 70. mínútu.
Heimamenn gerðu þá tvær skiptingar og skoraði Michael Krmencik átta mínútum eftir innkomuna af bekknum. Gestirnir frá Aþenu þurftu þá annað mark og lögðu allt í sóknarleikinn en tókst ekki að skora. Heimamenn skoruðu á 96. mínútu og innsigluðu þannig 3-1 sigur samanlagt.
Sverrir Ingi og félagar munu mæta Olympiakos í úrslitaleiknum. Ögmundur Kristinsson er meðal varamarkvarða Olympiakos.
Athugasemdir