Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   fim 29. apríl 2021 08:30
Guðmundur Aðalsteinn Ásgeirsson
„Við höldum að Jökull hafi skemmt sér vel þegar sigurmarkið kom"
Jökull Andrésson, markvörður Exeter.
Jökull Andrésson, markvörður Exeter.
Mynd: Getty Images
Jökull Andrésson hefur verið algjörlega frábær fyrir Exeter City í ensku D-deildinni á tímabilinu.

Jökull, sem er aðeins 19 ára, er á láni hjá Exeter frá Reading. Með því að smella hérna er hægt að lesa ítarlegt viðtal við Jökul um lífið í Englandi og margt fleira.

Jökull er staðráðinn í að hjálpa Exeter í baráttunni um að komast upp um deild en liðið er í harðri baráttu um að komast í umspil.

Exeter vann mikilvægan 3-2 sigur á Grimsby í deildinni á þriðjudagskvöld. Exeter skoraði tvö mörk á síðustu tíu mínútum leiksins eftir að hafa verið 2-1 undir. Sigurmarkið kom á 89. mínútu og Exeter er tveimur stigum frá umspilinu þegar tveir leikir eru eftir.

Jökull fagnaði sigurmarkinu vel en Exeter birti myndband á samfélagsmiðlum sínum þess efnis. „Við höldum að Jökull hafi skemmt sér vel þegar sigurmarkið kom."

Hægt er að sjá myndbandið hér að neðan. Það er alveg ljóst að Jökull er mjög vinsæll hjá Exeter, ef miða má við ummæli á samfélagsmiðlum.





Athugasemdir
banner
banner