Brunt, sem er 36 ára, hóf ferilinn hjá Middlesbrough en tókst þó ekki að spila þar og fór því til Sheffield Wednesday og síðar WBA þar sem hann var í lykilhlutverki í þrettán ár.

Hann spilaði tæplega 400 leiki í ensku úrvalsdeildinni með WBA og hjálpaði þeim að komast upp á síðasta ári áður en hann yfirgaf félagið og samdi við Bristol City.

Það gekk ekki vel hjá Bristol á síðustu leiktíð og spilaði hann einungis 14 leiki en hefur nú ákveðið að kalla þetta gott.

Brunt lék 65 landsleiki fyrir Norður-Írland og skoraði 3 mörk en missti af tækifærinu til að spila á fyrsta Evrópumóti þjóðarinnar árið 2016 vegna meiðsla.