Alþjóðaknattspyrnusamband, FIFA, hefur tilkynnt að fimm skiptingar verði leyfilegar út árið 2022.
Sambandið gaf leyfi á fimm skiptingar eftir að fótboltinn fór aftur af stað eftir fyrstu bylgjurnar af kórónuveirufaraldrinum.
Fyrirkomulaginu var komið fyrir í maí á síðasta ári og er nú ljóst að það verður í gildi út 2022.
Fimm skiptingar verða því leyfilegar á HM í Katar árið 2022 en ekki í deildum þar sem tímabilið klárast árið 2023.
Lið fá því að nota fimm skiptingar í venjulegum leiktíma og fá þá eina aukaskiptingu í framlengingu í útsláttarkeppnum.
Athugasemdir