Giroud er 34 ára gamall og verður samningslaus í sumar en hann mun ekki framlengja við Chelsea.

Hann er með 11 mörk í 31 leik á þessari leiktíð og skoraði meðal annars afar mikilvægt mark gegn Atlético Madríd í 8-liða úrslitum Meistaradeildarinnar.

Þá raðar hann inn með franska landsliðinu en hann er annar markahæsti leikmaður Frakklands frá upphafi. Þrátt fyrir það hefur honum gengið illa að fá mikið af mínútum og því er hugur hans farinn að leita annað.

Samkvæmt ítölsku miðlunum hefur hann komist að samkomulagi um að ganga til liðs við Milan í sumar og gerir hann tveggja ára samning við félagið.

Giroud mun þéna rúmlega 8 milljónir evra á þessum tveimur árum en Milan mun spila í Meistaradeildinni á næstu leiktíð.