Enska úrvalsdeildarfélagið West Ham United er nálægt því að ganga frá kaupum á Patson Daka, framherja Red Bull Salzburg, samkvæmt miðlum í Sambíu, heimalandi Daka.
Daka er 22 ára gamall og var markahæsti maður austurrísku deildarinnar á þessu tímabili með 27 mörk í aðeins 28 leikjum en hann lagði auk þess upp 7 mörk til viðbótar.
Hann er eftirsóttur biti á markaðnum en Daka bað um frí frá landsliðsverkefnum Sambíu á dögunum til að ganga frá félagaskiptum í annað félag.
Samkvæmt Zamfoot Crew er hann að ganga í raðir West Ham og er kaupverðið talið nema um 25 milljónum punda.
Leipzig hefur einnig áhuga á að fá Daka en þýska félagið er tilbúið að bjóða honum fimm ára samning í sumar.
Athugasemdir