Fyrir níu árum síðan var hann að spila í þriðju efstu deild í Frakklandi. Leicester keypti hann frá Caen árið 2015 og á fyrsta tímabili sínu í Englandi var hann einn besti leikmaður ensku úrvalsdeildarinnar þegar Leicester vann deildina gríðarlega óvænt.

Hann var í kjölfarið keyptur til Chelsea þar sem hann hefur heilt yfir verið mjög flottur. Hann hefur verið slakur inn á milli, en virðist svo sannarlega vera búinn að finna taktinn undir stjórn Thomas Tuchel.

Hann var maður leiksins í kvöld þegar Chelsea vann Meistaradeildina í kvöld og er búinn að vinna alla stóru titla, nema EM, eftir að hafa spilað í þriðju deild Frakklands í kringum tvítugt. Evrópumeistaratitillinn með Frakklandi kemur kannski í sumar.