Patrik er einn efnilegasti markvörður Íslands en hann hefur verið í þremur mismunandi félögum á tímabilinu. Þau fóru öll upp um deild.

Patrik er á mála hjá Brentford, þó hann hafi ekki spilað með liðinu á þessari leiktíð. Brentford tryggði sér í dag sæti í ensku úrvalsdeildinni eftir sigur á Swansea á Wembley.

Patrik var lánaður frá Brentford til Danmerkur. Hann fór til Viborg fyrst frá september til desember og var öflugur. Ef eitthvað er, þá var hann enn sterkari hjá Silkeborg eftir áramót. Hann hélt hreinu í hverjum leiknum á fætur öðrum og hjálpaði Silkeborg að tryggja sæti sitt í dönsku úrvalsdeildinni. Viborg tryggði sig upp ásamt Silkeborg.

Hinn tvítugi Patrik snýr aftur til Brentford í sumar en það verður spennandi að sjá hvað gerist hjá honum á næsta tímabili, hvort hann verði lánaður eða verði hluti af liðinu í ensku úrvalsdeildinni.

Patrik er þessa stundina í landsliðsverkefni með A-landsliði Íslands. Liðið á leik gegn Mexíkó í nótt.