Landsliðsvarnarmaðurinn Ragnar Sigurðsson hefur skrifað undir framlengingu á samningi sínum við FC Kaupmannahöfn.
Samningurinn átti að renna út fyrr í sumar en landslagið breyttist vegna kórónaveirufaraldursins og Ragnar hefur samþykkt að vera hjá danska liðinu út ágúst.
Hann missti af síðustu leikjum dönsku úrvalsdeildarinnar vegna meiðsla.
Samningurinn átti að renna út fyrr í sumar en landslagið breyttist vegna kórónaveirufaraldursins og Ragnar hefur samþykkt að vera hjá danska liðinu út ágúst.
Hann missti af síðustu leikjum dönsku úrvalsdeildarinnar vegna meiðsla.
FCK mætir Istanbul Basaksehir á Parken 5. ágúst í seinni viðureign liðanna í 16-liða úrslitum Evrópudeildarinnar. Tyrkneska liðið vann heimaleikinn 1-0.
Sigurliðið í einvíginu mætir Manchester United í 8-liða úrslitum en United vann fyrri leik sinn gegn LASK frá Austurríki 5-0.
Eftir að samningur Ragnars, sem er 34 ára, rennur út taka við landsleikir í Þjóðadeildinni. Ísland mætir Englandi á Laugardalsvelli 5. september og Belgíu ytra þremur dögum síðar.
Athugasemdir