Það eru aðeins tveir leikir sem fara fram í íslenska boltanum um verslunarmannahelgina. Báðir eru þeir á dagskrá á morgun, laugardag, klukkan 14:00.
Annar leikurinn verður spilaður á Þjóðhátíð þar sem ÍBV mætir Keflavík í áhugaverðri viðureign.
Eyjamenn eru með tvo sigra í röð eftir hrikalegt gengi vikurnar á undan því á meðan Keflavík er með tvö töp í röð eftir frábært gengi vikurnar á undan.
Staðan í deildinni er þó þannig að Keflavík er í þokkalegri stöðu með 17 stig eftir 14 umferðir á meðan ÍBV er nýkomið úr fallsæti og er með 11 stig.
Hinn leikurinn fer fram í Garðabæ þar sem Stjarnan mætir Víkingi R. í leik sem gæti reynst mikilvægur í toppbaráttunni.
Víkingur er í öðru sæti sem stendur, sjö stigum eftir toppliði Blika og með leik til góða. Stjarnan er í fjórða sæti, fimm stigum eftir Víkingi.
Besta-deild karla
14:00 Stjarnan-Víkingur R. (Samsungvöllurinn)
14:00 ÍBV-Keflavík (Hásteinsvöllur)
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
