Mikel Arteta og lærisveinar hans hafa verið með ólíkindum slakir í byrjun leiktíðar. Liðið tapaði fyrir Brentford og Chelsea í fyrstu tveimur leikjunum áður en Manchester City rassskellti liðið í gær, 5-0.

Arsenal er með markatöluna -9 og á botni deildarinnar eftir fyrstu þrjá leikina en þetta er versta byrjunin frá því úrvalsdeildin var sett á laggirnar árið 1992.

Þá er þetta versta byrjun í sögu efstu deildar síðan 1962 eða síðan West Ham tapaði fyrstu þremur leikjum sínum og var með markatöluna -9.