Guðmundur Þórarinsson og hans menn í New York City unnu New England Revolution 2-0 í MLS-deildinni í Bandaríkjunum í gær.
Guðmundur var í byrjunarliði New York og var skipt af velli þegar þrjár mínútur voru eftir af venjulegum leiktíma.
Arnór Ingvi Traustason var á meðan í liði Revolution en honum var skipt af velli á 57. mínútu.
Þetta var stór sigur hjá New York gegn toppliði austurdeildarinnar en eftir leikinn er Revolution áfram í efsta sætinu með 49 stig á meðan New York er í 4. sæti með 34 stig.
Guðmundur hefur spilað 16 leiki í deildinni á þessari leiktíð og gert eitt mark en Arnór spilað 21 leik, skorað 2 og lagt upp 4.
Athugasemdir