Bayern hefur verið í viðræðum við RB Leipzig síðustu vikur um Sabitzer og virðast liðin nú hafa komist að samkomulagi um kaupverð sem nemur um 16 milljónum evra.

Það er algert gjafaverð fyrir þennan fjölhæfa miðjumann en það má gera ráð fyrir því að félagaskiptin verði kynnt á næstu sólarhringum.

Leipzig er búið að vinna hörðum höndum að því að finna eftirmann hans og er hann nú fundinn. Samkvæmt þýsku miðlunum er Ilaix Moriba, miðjumaður Barcelona, á leið til félagsins.

Sabitzer og Moriba eru með sama umboðsmann en Barcelona er reiðubúið að selja þennan efnilega leikmann á aðeins 15 milljónir evra.

Moriba er aðeins 18 ára gamall og steig sín fyrstu skref með aðalliði Barcelona á síðustu leiktíð. Tottenham Hotspur ræddi einnig við Moriba og fylgarlið hans en miðjumaðurinn knái tilkynnti enska félaginu í gær að hann væri búinn að ákveða að semja við Leipzig.