Hakim Ziyech er á leið aftur til Ajax þar sem hann mun skrifa undir eins árs lánssamning.
Ajax vantar kantmann til að fylla í skarðið sem Antony skilur eftir með félagsskiptum sínum til Manchester United.
Ziyech hefur ekki fundið taktinn frá félagsskiptum sínum til Chelsea og hefur rætt við AC Milan og Ajax í sumar.
Milan krækti í Charles De Ketelaere og bendir allt til þess að Ziyech fari til Ajax.
Sumarglugginn lokar á fimmtudagskvöldið og því hafa félögin þrjá sólarhringa til að ljúka viðskiptunum.
Uppfærsla: Viðræður virðast hafa siglt í strand og hefur Ajax ákveðið að reyna við Lucas Ocampos hjá Sevilla.
Athugasemdir