Árshátíð Liverpool klúbbsins á Íslandi verður haldin með prompi og prakt þann 9. október næstkomandi. Hún fer fram á Spot í Kópavogi.
Það er orðin hefð fyrir því að goðsagnir úr herbúðum Liverpool mæti á árshátíðina og þannig er það núna líka.
Goðsögnin Steve McManaman verður heiðursgestur að þessu sinni, en hann lék á sínum tíma 364 leiki fyrir Liverpool og var einn allra besti leikmaður félagsins á 10. áratug síðustu aldar.
McManaman spilaði einnig með Real Madrid á sínum leikmannaferli en undanfarin ár hefur hann starfað sem sérfræðingur í sjónvarpi á Bretlandseyjum.
Veislustjóri verður Villi Naglbítur. Húsið opnar klukkan 18:00 með fordrykk og léttri stemningu þar sem gestir geta tekið mynd af sér með McManaman.
Athugasemdir