Yuriy Vernydub, stjóri Sheriff, skaut föstum skotum að Dirk Kuyt fyrir ummæli hans um Sheriff. Kuyt, sem er fyrrum leikmaður Liverpool, sagði að Sheriff ætti ekki heima í Meistaradeildinni.
Yuriy var ekkert sérstaklega ánægður með ummæli Kuyt og svaraði þeim í viðtali eftir frábæran sigur Sheriff gegn Real Madrid í gær.
„Það var frábær leikmaður, Dirk Kuyt, sem sagði að það væri ekki pláss fyrir Sheriff í Meistaradeildinni. Ég er mjög ánægður að eyðileggja fullkomna heiminn hans," sagði Yuriy.
Sheriff, sem er í fyrsta sinn í riðlakeppni Meistaradeildarinnar, er með sex stig eftir fyrstu tvo leiki sína í riðlinum. Liðið lagði Real Madrid 2-1 í Madrid í gær.
Athugasemdir