Arsenal býst við því að Granit Xhaka verði frá í þrjá mánuði vegna liðbandameiðsla í hné sem hann hlaut í sigrinum í grannaslagnum gegn Tottenham á sunnudaginn.
Svissneski miðjumaðurinn mun því líklega ekki spila meira á árinu 2021.
Svissneski miðjumaðurinn mun því líklega ekki spila meira á árinu 2021.
Xhaka lenti í samstuði við Lucas Moura og fór af velli á 82. mínútu í 3-1 sigri Arsenal. Hann var augljóslega mjög þjáður.
Strax eftir leik sagði Mikel Arteta að útlitið væri ekki gott.
Xhaka þarf þó ekki að fara í aðgerð en hann hefur þegar hafið endurhæfingu.
Þetta eru vondar fréttir fyrir Arsenal og fyrir Xhaka en leikmaðurinn var frábær í leiknum gegn Tottenham. Hann var nýkominn úr þriggja leikja banni og lék verulega vel á miðjunni ásamt Thomas Partey.
Búist er við því að hann missi núna af næstu fjórtán úrvalsdeildarleikjum Arsenal.
Athugasemdir