Orri Steinn þurfti að bíða þolinmóður eftir fyrsta markinu en hann var að spila fimmta deildarleik sinn með liðinu.

Hann hafði ekki úr miklu að moða í fyrstu leikjunum enda var sóknarleikurinn afar dapur í byrjun tímabils, en stíflan brast í gær og skoraði Orri tvö góð mörk á fjærstönginni.

„Mikel Oyarzabal og liðsfélagar hans þurftu að leggja sig gríðarlega fram til að Orri gæti átt möguleika til að skora þessi tvö mörk. Allir eiga hlut í þessum mörkum, en ég er líka ánægður fyrir hönd Orra. Ég er viss um að þessi leikur hafi góð áhrif á hann,“ sagði Alguacil á blaðamannafundinum eftir leikinn í gær.

Sociedad mætir næst Anderlecht í Evrópudeildinni á fimmtudag en sá leikur er spilaður í San Sebastian á Spáni.