þri 29. október 2019 11:00
Magnús Már Einarsson
Bernard væntanlega lengi frá - Gylfi leysti hann af hólmi
Mynd: Getty Images
Búist er við því að Bernard, kantmaður Everton, verði frá keppni í nokkra mánuði eftir að hafa meiðst í 3-2 tapinu gegn Brighton um helgina.

Bernard meiddist á liðböndum í hné en hann varð að fara af velli eftir hálftíma.

Hinn 27 ára gamli Bernard hefur skorað fjögur mörk í 44 leikjum síðan hann kom frá Shakhtar Donetsk sumarið 2018.

Gylfi Þór Sigurðsson hefur byrjað á bekknum hjá Everton í síðustu tveimur leikjum en hann kom inn á fyrir Bernard í leiknum á laugardag.

Gylfi verður væntanlega mættur í byrjunarliðið á ný gegn gömlu félögunum í Tottenham á sunnudag.
Athugasemdir
banner
banner
banner
banner