Spænskir fjölmiðlar líkja Granada við Leicester-liðið sem varð enskur meistari árið 2016. Þá er talað um að Tony Adams hafi sáð góðum fræjum þegar hann var við stjórnvölinn en enn stærra skref var tekið þegar Diego Martinez var ráðinn til félagsins.

Martinez tók við liðinu sumarið 2018, þá einungis 37 ára gamall. Fæstir vissu hver hann var og ekki náði hann mjög langt á knattspyrnuferli sínum.

Granada liðið fékk einungis 28 mörk á sig í 42 leikjum á síðustu leiktíð og leit vel út í næstefstu deild. Enginn sá fram á gengi þeirra í efstu deild en liðið hefur meðal annars sigrað Barcelona, 2-0 á leiktíðinni.

Fáir þekktir leikmenn eru í leikmannahópi Granada en lykillinn er sagður vera nýr eigandi félagsins, Kínverjinn Jiang.

Hér má lesa frekari umfjöllun um Granada á vef BBC.