U21 árs lið Norrköping varð í dag sænskur meistari en liðið lagði Trelleborg 2-1 í hreinum úrslitaleik.
Bjarki Steinn Bjarkason, leikmaður ÍA, er á reynslu hjá Norrköping þessa dagana og hann skoraði fyrra mark liðsins í leiknum. Sigurmarkið kom síðan í viðbótartíma.
Ísak Bergmann Jóhannesson var í byrjunarliðinu á miðjunni hjá Norrköping og Alfons Sampsted í hjarta varnarinnar í þriggja manna vörn.
Alfons er mættur aftur til Norrköping eftir að hafa verið á láni hjá Breiðabliki síðari hluta sumars.
Hinn 17 ára gamli Oliver Stefánsson er einnig á mála hjá Norrköping en hann var ekki með í dag vegna meiðsla. Þá spilar Guðmundur Þórarinsson með aðalliði Norrköping.
Athugasemdir