þri 29. október 2019 06:00
Sæbjörn Þór Þórbergsson Steinke
Myndband: Frábær sprettur Cloé Lacasse eftir sendingu frá Dida
Cloé í leik með ÍBV í sumar.
Cloé í leik með ÍBV í sumar.
Mynd: Fótbolti.net - Hafliði Breiðfjörð
Heimavöllurinn birti í gær myndband á Facebook síðu sinni sem sýnir fyrsta mark kvennaliðs Benfica í 0-5 sigri á Maritimo á sunnudag.

Cloé Lacasse skoraði markið en hún gekk í raðir félagsins frá ÍBV í ágúst. Lacasse átti frábæran sprett og hljóp upp allan völlinn og átti gott skot sem markvörður Maritimo réði ekki við.

Markvörður Benfica var fljót að koma boltanum á Cloé sem hélt strax af stað upp völlinn. Markvörður Benfica er fyrrum markvörður Gróttu, Ana Lúcia Dida, en hún gekk einnig í raðir Benfica í ágúst.

Markið má sjá hér að neðan. Benfica er efst í deildinni með fullt hús stiga, fimmtán stig og markatölun 46:0!


Athugasemdir
banner
banner