„Þeir sem skipuleggja þessi mót og þeir sem eru með puttana í þessu dags dagslega þurfa að setjast niður og reyna að finna út hvað við þurfum að gera til að bæta íslenskan fótbolta, annað en landsliðið, og gera þessa deild ennþá áhugaverðari," sagði Ólafur.

Á síðasta stjórnarfundi KSÍ var tilkynnt að verið sé að skoða að búa til varaliðskeppni í meistaraflokki. Ólafur segir nauðsynlegt að leikmenn sem eru ekki að spila í Pepsi Max-deildinni fái leiki.

„Við þurfum líka að skoða þá leikmenn sem eru ekki að spila. Við getum tekið sem dæmi Gunnar Nielsen sem meiðist í lok maí. Það er enginn vettvangur fyrir hann til að spila sig í leikform því það eru engir varaliðsleikir."

„Við sáum þetta hjá Val líka þar sem leikmenn meiddust. Þeir voru að koma inn í 20-30 mínútur hér og þar og þá sögðu menn að þeir væru ekki í standi. Það er ekkert skrýtið því þeir voru ekkert búnir að spila. Þetta eru annars vegar þeir leikmenn sem lenda í meiðslum eða detta út úr liði og svo ungu leikmennirnir okkar. Við þurfum aðeins að hugsa hvernig við bætum þetta umhverfi. Lengja tímabilið og skapa vettvang fyrir þá sem eru ekki að spila," sagði Ólafur.

Hér má sjá spjallið við Ólaf í heild en umræðan um þessar hugmyndir byrjar eftir rúmar 20 mínútur.