Lionel Messi skoraði tvö og lagði upp önnur tvö í 5-1 sigri Barcelona á Real Valladolid í spænsku deildinni í kvöld.

Það var franski miðvörðurinn Clement Lenglet sem skoraði fyrsta markið á 2. mínútu. Boltinn barst til hans í teignum, hann lét vaða og fór boltinn af varnarmanni, í slá og inn.

Kiko Olivas jafnaði metin á 15. mínútu fyrir Valladolid áður en Messi tók málin í sínar hendur. Messi átti frábæra sendingu inn í teiginn á Arturo Vidal sem teygði sig í boltann og skoraði.

Messi gerði þriðja markið á 34. mínútu. Frábær aukaspyrna sem markvörður Valladolid átti ekki möguleika á að verja. Messi gerði fjórða markið á 75. mínútu. Það var svo Luis Suarez sem gerði fimmta markið eftir sendingu frá Messi. Hann þræddi boltann inn á Suarez sem átti í engum vandræðum með að skora.

Barcelona á toppinn með 22 stig en Valladolid í 9. sæti með 14 stig.