þri 29. október 2019 12:30
Magnús Már Einarsson
Zlatan gefur í skyn að hann sé á leið til Spánar
Mynd: Getty Images
Zlatan Ibrahimovic hefur gefið í skyn að hann sé á leið í spænska boltann á nýjan leik.

Hinn 38 ára gamli Zlatan er að renna út af samningi hjá LA Galaxy og þykir líklegur til að snúa aftur til Evrópu í janúar glugganum.

„Halló Spánn, hvað haldið þið? Ég er að koma aftur," sagði Zlatan á Instagram í dag.

Zlatan gaf ekkert meira upp um það hvort hann sé að fara að ganga til liðs við spænskt félag eða hvort hann sé á leið til Spánar í öðrum erindagjörðum.

Zlatan hefur mest spilað á Ítalíu á ferlinum en hann lék með Barcelona í spænsku úrvalsdeildinni á árunum 2009 til 2011.

Athugasemdir
banner
banner
banner