Mynd: EPA

Man Utd er ósigrað í sjö leikjum í röð, komið upp úr riðlinum sínum í Evrópudeildinni og horfir fram á Meistaradeildarbaráttu í ensku úrvalsdeildinni.

„Því miður þá tekur tíma að þróa fótboltalið. Það er ekki hægt að fara beint úr 0 upp í 100. Maður verður að byggja góða undirstöðu áður en maður getur farið upp í 100. Ég er mjög óþolinmóð manneskja og hef ekki mikinn tíma en ég neyðist til að bíða," sagði Ten Hag.

„Ég sé batamerkin á liðinu, leikmenn eru byrjaðir að átta sig á því að við þurfum allir 11 að verjast saman. Uppspilið okkar er að verða betra með hverjum leiknum og núna verðum við að einbeita okkur að sóknarleiknum sem er erfiðasti parturinn. Ég vildi óska þess að við gætum klárað þetta ferli sem fyrst en þetta tekur tíma."

Síðasti tapleikur Man Utd kom gegn nágrönnunum í Manchester City þegar Rauðu djöflarnir fengu 6-3 skell. 

„Þetta var fyrsti leikur eftir landsleikjahlé og það var eins og við höfðum bara gleymt öllu. Við lærðum af þessu vegna þess að um leið og þú gerir mistök gegn City þá verður þér refsað. Strákarnir vilja ekki upplifa svona dag aftur og vita að þeir þurfa að gera betur til að geta keppt við lið sem eru í sama gæðaflokki og Man City."