Verðlaununum hefur bókstaflega rignt yfir Ronaldo síðustu daga enda átti hann frábært ár þar sem hann vann spænsku deildina og Meistaradeildina með Real Madrid.

„Þetta er sérstök stund fyrir mig og er ég mjög ánægður að hljóta þessi verðlaun. Ég vil þakka liðsfélögunum, þjálfaranum og öllu félaginu því ég væri ekki hér án þeirra," sagði Ronaldo þegar Alessandro Del Piero afhenti honum verðlaunin.

„Þetta var stórkostlegt ár, bæði fyrir liðið mitt og mig sem einstakling. Ég er glaður og vil þakka öllum fyrir sem greiddu atkvæði með mér - endilega gerið það aftur á næsta ári."