„United er líkleag stærsta liðið hjá fólki heima á Íslandi svo það eru margir stuðningsmenn þar sem verða ekki ánægðir með mig," sagði Jóhann í viðtali við Burnley Express eftir leikinn.

Burnley náði í stig á Old Trafford annað tímabilið í röð. „Við gerðum þetta líka á síðasta timabili svo þetta gengur vel. Það var líka jafntefli á síðasta timabili svo ég hef aldrei tapað á þessum leikvangi. Það er ekki slæmt."

„Þetta sýnir hversu langt við höfum náð sem lið, sérstaklega miðað við síðasta tímabil. Við höfum vaxið sem lið og erum að spila frábæran fótbolta á köflum."

„Við viljum berjast á þessum enda töflunnar frekar en á hinum endanum. Við erum að gera frábæra hluti," sagði Jóhann en Burnley er í 7. sæti í deildinni.