Á öðrum degi jóla fengu þeir Burnley í heimsókn, þá unnu þeir 1-0 með marki Dominic Calvert-Lewin, hann reyndist aftur hetjan í gær þegar Everton sigraði Newcastle, 1-2. Calvert-Lewin skoraði bæði mörk gestanna.

Ancelotti er ánægður með Calvert-Lewin og hefur mikla trú á honum.

„Calvert-Lewin finnst mér vera frábær framherji, frábær skallamaður, klár í teignum og ákveðinn. Hann er ungur og á eftir að bæta sig enn meira, hann er auðmjúkur strákur sem talar ekki mikið."

„Ég held að hann hafi það sem þarf til að verða með bestu framherjum Englands og Evrópu. Hann hefur allt sem þarf til að verða frábær framherji," sagði Ancelotti.