Mikel Arteta sem tók við Arsenal á dögunum hefur mikla trú á kappanum og sýnir því skilning hversu erfiðlega það hefur gengið hjá Pepe að aðlagast enska fótboltanum.

„Það er klárlega erfitt að koma beint úr franska boltanum yfir í enska boltann. Það spilar einnig inn í að hann kom til liðs sem hefur ekki verið upp á sitt besta undanfarið, aðstæðurnar sem hann kom inn í gætu hafa verið betri, þetta er því ekki bara hans vandi."

„Við erum hér til að hjálpa honum. Ef hann er tilbúinn til að læra og leggja mikið á sig getur hann orðið frábær leikmaður," sagði Arteta.

Það er Lundúnaslagur á dagskránni í dag þegar Arsenal tekur á móti Chelsea, flautað verður til leiks klukkan 14:00.