„Ásamt Messi þá hefur Busquets verið mikilvægasti leikmaður Barcelona undanfarin ár. Við tölum um Messi, Suarez og þar áður Neymar, en Busquets er að mínu mati mikilvægasti leikmaðurinn í liðinu," sagði Casemiro.

„Hann er einn af bestu varnarsinnuðu miðjumönnunum. Hann er öðruvísi leikmaður en ég. Hann er kannski ekki jafnsterkur líkamlega og ég, en hann er alltaf frábærlega staðsettur."

Casemiro var að svara Busquets, en spænski miðjumaðurinn sagði á dögunum að hann væri að læra af Casemiro og hans leikstíl.

Busquets er 31 árs, en hann hefur verið öflugur í liði Barcelona frá 2008. Hann hefur spilað meira en 550 leiki fyrir félagið.