Fyrsti leikur dagsins í úrvalsdeildinni er klukkan 14:00 þegar Arsenal og Chelsea eigast við. Um er að ræða annan leik Mikel Arteta við stjórnvölinn hjá Arsenal, en í fyrsta leiknum var niðurstaðan 1-1 jafntefli við Bournemouth.

Chelsea er sem stendur í fjórða sæti, en liðið tapaði gegn Southampton á heimavelli í síðustu umferð.

Topplið Liverpool hefur verið óstöðvandi í ensku úrvalsdeildinni á þessu tímabili. Liðið hefur gert eitt jafntefli, gegn Manchester United, en unnið alla hina leiki sína.

Liðið mætir Úlfunum, sem unnu Manchester City á föstudag, á Anfield í dag.

Lokaleikur dagsins er svo viðureign Manchester City og Sheffield United á Etihad-vellinum.

Sheffield United er spútniklið tímabilsins og er í Evrópubaráttu eins og er. Á meðan flokkast tímabilið hjá Englandsmeisturum Man City undir vonbrigði.

sunnudagur 29. desember
14:00 Arsenal - Chelsea (Síminn Sport)
16:30 Liverpool - Wolves (Síminn Sport)
18:00 Man City - Sheffield Utd