Gareth Bale verður ekki með Tottenham næstu vikurnar vegna meiðsla á kálfa. Bale kom til Tottenham á láni frá Real Madrid í haust en hefur lítið náð að láta ljós sitt skína.
„Þetta eru ekki alvarleg meiðsli en ég segi nokkrar vikur," sagði Jose Mourinho, stjóri Tottenham, í dag.
„Þetta eru ekki alvarleg meiðsli en ég segi nokkrar vikur," sagði Jose Mourinho, stjóri Tottenham, í dag.
Tottenham á sex leiki framundan þangað til 17. janúar og ólíklegt er að Bale komi við sögu í þeim.
Mourinho staðfesti einnig á fréttamannafundi í dag að Lucas Moura og Carlos Vinicius verði líklega ekki með gegn Fulham annað kvöld vegna meiðsla.
Tottenham hefur ekki unnið í fjórum leikjum í röð í ensku úrvalsdeildinni og er í 7. sæti eftir að hafa verið á toppnum fyrr í mánuðinum.
Athugasemdir