Hasenhuttl getur ekki stýrt liði sínu þar sem hann er í sóttkví. Fjölskyldumeðlimur hans greindist með kórónuveiruna og þarf Hasenhuttl að vera í sóttkví. Hækkandi smittölur á Englandi undanfarna daga hafa valdið miklum áhyggjum þar í landi.

Hasenhuttl mun reyna eftir bestu getu að stjórna leiknum heima frá. Hann verður í samskiptum við þjálfarateymi sitt.

Southampton er í níunda sæti ensku úrvalsdeildarinnar en getur með sigri í kvöld farið upp í fjórða sæti.