Santiago Solari, fyrrum stjóri Real Madrid, er kominn með nýtt starf í fótboltanum eftir langa bið.
Solari er tekinn við sem þjálfari Club America, sem er eitt stærsta félagið í Mexíkó.
Hinn 44 ára gamli Solari var síðast þjálfari Real Madrid. Hann stýrði félaginu frá nóvember 2018 til mars 2019. Hann var rekinn og Zinedine Zidane ráðinn í hans stað.
Solari talaði um það fyrr á árinu að hann vildi stýra félagi á Englandi en hann er núna kominn til Mexíkó.
Solari var landsliðsmaður Argentínu sem leikmaður og spilaði hann með félögum á borð við River Plate, Real Madrid og Inter.
Athugasemdir