Besiktas 1-0 Adana
Birkir Bjarnason sat allan tíman á varamannabekknum hjá Adana Demirspor þegar liðið tapaði gegn Besiktas í tyrknesku deildinni í kvöld.
Eina mark leiksins kom eftir stundarfjórðung en það var Arthur Masuaku lánsmaður frá West Ham sem skoraði markið fyrir Besiktas.
Þetta tap þýðir að Adana mistókst að komast upp í 3. sæti deildarinnar sem gefur þátttökurétt í Sambandsdeildinni á næstu leiktíð.
Liðið er með 27 stig í 4. sæti eftir 15 umferðir en Besiktas setti pressu á Adana með sigrinum þar sem liðið er í 5. sæti, stigi á eftir Adana.
Athugasemdir