Lionel Messi varð fyrr í kvöld fyrsti leikmaðurinn í sögu spænska boltans til að vinna 500 keppnisleiki með félagsliði.
Messi skoraði tvennu í auðveldum 5-0 sigri gegn Leganes sem tryggði Barcelona áfram í 8-liða úrslit spænska Konungsbikarsins.
Messi hefur unnið ótrúlegt magn titla á tíma sínum hjá Barcelona. Spænska bikarinn hefur hann unnið sex sinnum og spænsku deildina tíu sinnum.
Messi lék sinn fyrsta keppnisleik fyrir Barca 16. október 2004 í 0-1 sigri gegn nágrönnunum í Espanyol. Á þeim tíma var hann yngsti leikmaður í sögu Barca.
Messi er 32 ára gamall og hefur skorað 622 mörk í 710 keppnisleikjum fyrir Barca.
... And chalk up another #Messi milestone! Congratulations, Leo! 👏👏👏👏👏👏👏👏👏👏 pic.twitter.com/5y7tfk6Keo
— FC Barcelona (@FCBarcelona) January 30, 2020
Athugasemdir