Hlakkar til að sjá þá spila saman
Emmanuel Petit vill ólmur sjá þá Bruno Fernandes og Paul Pogba leika saman á miðjunni hjá Manchester United.
Bruno Fernandes kom til Rauðu djöflanna í janúar og hefur slegið í gegn hjá stuðningsmönnum á fyrstu vikum sínum hjá félaginu. Paul Pogba hefur verið frá keppni vegna meiðsla á þessu ári og á því enn eftir að spila með Portúgalanum.
Petit segir Fernandes vera gera það núna sem Pogba átti að gera og hrósar þar leiðtogahæfni Portúgalans sérstaklega.
„Fernandes hefur haft gríðarleg áhrif á leik liðsins, þegar litið er til baka yfir síðustu tvo mánuði þá er klárlega hægt að segja að kaupin á honum hafi verið þau bestu í janúar. Hann hefur haft svo mikil áhrif á allt að það mætti helst halda að hann hafi verið þarna síðustu sex árin," sagði Petit.
„Hann hefur breytt andanum að miklu leyti í búningsklefanum, það er erfitt að gera það á miðju tímabili. Paul Pogba átti að gera það sem hann er að gera þegar kemur að leiðtogahæfni inn á vellinum. Mig hlakkar til að sjá þá tvo saman inn á vellinum, hvort það gangi upp að spila þeim saman, mér finnst líklegt að það gangi upp," sagði Petit að lokum um Pogba og Fernandes.
Athugasemdir