Íslendingalið Venezia tryggði sér sæti í ítölsku úrvalsdeildinni í síðustu viku.
Þetta varð ljóst eftir 1-1 jafntefli gegn Cittadella. Fyrri leiknum lauk með 1-0 sigri Venezia á heimavelli Cittadella. Gestirnir leiddu hins vegar lengi vel í seinni leiknum og leit allt út fyrir það að einvígið færi í framlengingu.
Riccardo Bocalon skoraði hins vegar á 93. mínútu og jafnaði leikinn fyrir Venezia sem var manni færri frá 36 mínútu. Einvígið endaði því 2-1 fyrir Venezia sem er mætt í efstu deild.
Bjarki Steinn Bjarkason, Jakob Franz Pálsson og Óttar Magnús Karlsson eru á mála hjá félaginu.
Eftir titla og stóra sigra fara lið stundum í opna rútu á meðan stuðningsmenn fagna. Íslenska landsliðið gerði það eftir EM 2016. Lífið er hins vegar öðruvísi í Feneyjum. Leikmenn Venezia ferðuðust um í gondóla á meðan stuðningsmenn fögnuðu. Hér að neðan má sjá myndband.
Open gondola > Open bus https://t.co/fu5Qws9AjM
— Björn Már Ólafsson (@bjornmaro) May 29, 2021
The only way to celebrate.#ArancioNeroVerde 🟠⚫️🟢 pic.twitter.com/YyqtwIRI53
— Venezia FC (@VeneziaFC_EN) May 30, 2021
Athugasemdir