Lestu um leikinn: Fylkir 1 -  1 Stjarnan

Hann ræddi líka atvik þar sem Emil Atlason fékk að líta rauða spjaldið fyrir að brjóta á Arnóri Gauta Jónssyni í fyrri hálfleiknum.

„Hann er nappaður í landhelgi, það er ýtt í hann og honum ögrað og hann svarar kannski klaufalega," sagði Þorvaldur. En var hann svekktur út í Emil að láta nappa sig?

„Mér finnst klaufalegt að láta gabba sig í það í fljótu bragði og mér fannst hann líka gera meira úr því hinn leikmaðurinn. Það réttlætir ekkert en hann er að ögra Emil að fara í hann þegar Emil er að hlaupa og hann svarar fyrir sig. Dómarinn sér það og það er klaufalegt hjá Emil.

Toddi minntist svo líka á atvik þar sem Djair Parfitt-Williams braut illa á Heiðari Ægissyni og báðir fengu áminningu fyrir.

„Mér fannst mjög sérkennilegt þegar okkar ágæti bakvörður Heiðar var tekinn niður í sniðglímu á lofti, eins og góð júdóglíma. Okkar ágætu ólympíufarar í gegnum tíðina hefðu verið mjög stoltir af henni," sagði hann en hefði hann viljað sjá rauða spjaldið fara á loft þar?

„Ég sagði það ekki, ég held að þetta sé ekki leyfilegt í fótbolta er það? Ég held við séum þá sammála svo ég þarf ekki að svara því. Þegar línuvörður og fjórði dómari eru nálægt þessu atviki og það sést eins og það hafi verið sýnt hægt þá fór þetta ekki framhjá neinum. Boltinnn var nálægt og þetta var úti á miðjum velli. En við getum ekkert gert nema kvartað og fáum lítið fyrir það."

Hann sagði að það væri góður hugur í hópnum og félagið hafi staðið sig vel í vikunni þó það hafi verið brekka sem heldur áfram. Það stæðu allir saman og héldu áfram fram veginn.

Nánar er rætt við hann í spilaranum að ofan og þar ræðir hann stöðuna á liðinu og segist hafa fengið gríðarlega góðan stuðning frá stjórn og stuðningsmönnum sem hann hrósaði líka. Hann segir líka niðurröðun mótsins sérstaka þegar liðið er að fara í tveggja vikna pásu, spilar næst 12. júní.