Thomas Tuchel og Roman Abramovich spjalla eftir leikinn
Thomas Tuchel, þjálfari Chelsea og Roman Abramovich, eigandi félagsins, hittust í fyrsta sinn í gær síðan Tuchel tók við liðinu í janúar.
Þeir hittust inn á Estadio de Dragao leikvanginum um leið og leik lauk í gær,
„Ég held að ég sé kominn með nýjan samning, umboðsmaðurinn minn var eitthvað að tala um það en ég er ekki alveg viss. Það var einstakt augnablik að hitta eigandann í fyrsta skiptið inn á vellinum. Þetta var besti tíminn til þess, eða kannski sá versti, þetta getur bara orðið verra eftir þetta," sagði Tuchel.
„Við munum spjalla betur saman á morgun. Ég vil að hann viti að ég sé enn hungraður og vill strax fá næsta titil. Við erum með sterkan leikmannahóp og ég vil minnka bilið," bætti Tuchel við.
Athugasemdir
