Þessi 33 ára gamli leikmaður hefur engan áhuga á því að vera áfram hjá þýska félaginu og vill hann komast sem allra fyrst til Barcelona á Spáni, það er draumur hans.

Pini Zahavi, umboðsmaður Lewandowski, hefur verið í viðræðum við Börsunga síðustu vikur og er samkomulagið svo gott sem klárt, en Bayern er að koma í veg fyrir að hann fari.

Lewandowski á ár eftir af samningi sínum hjá Bayern en félagið er meira en tilbúið til að leyfa honum að fara frítt á næsta ári.

Framherjinn segir nú í viðtali að hann hafi engan áhuga á því að spila áfram með liðinu.

„Eitt er öruggt í þessu og það er að tími minn hjá Bayern er liðinn. Ég get ekki hugsað mér að halda áfram góðu sambandi við félagið. Ég vona að Bayern heimili félagaskiptin og reyni ekki að halda mér, bara af því það getur það," sagði Lewandowski.