Kristján Hjörvar Sigurkarlsson, strákur fæddur árið 2005, lék sinn fyrsta leik með meistaraflokki Vals er hann kom inn á sem varamaður gegn Fram í gær.
Lestu um leikinn: Fram 3 - 2 Valur
„Strákur fæddur 2005 að spila sinn fyrsta leik í Bestu deildinni, óskum honum til hamingju með það og gangi honum vel!" skrifaði Baldvin Már Borgarsson í beinni textalýsingu í gær þegar Valur gerði skiptingu á liði sínu í fyrri hálfleik.
Kristján Hjörvar er markvörður sem þurfti að koma inn á fyrir Svein Sigurð Jóhannesson.
Sveinn Sigurður meiddist í leiknum og var Guy Smit nú þegar meiddur. Því þurfti Kristján Hjörvar að hlaupa í skarðið.
Það vakti athygli að þegar strákurinn ungi kom inn á, þá var hann í treyju merktri aðalmarkverðinum 'Smit' sem er núna meiddur líkt og fyrr segir. Það var rætt í Stúkunni á Stöð 2 Sport í gær að þetta væri ekki í fyrsta sinn þar sem ungur leikmaður Vals væri að spila í treyju af öðrum leikmanni.
Þetta gerðist líka þegar tveir ungir leikmenn komu inn á undir lok leiks hjá Val gegn Stjörnunni sumarið 2020.
Framundan er landsleikjahlé og verður fróðlegt að sjá hver verður í markinu hjá Val eftir það.
Sjá þennan King, í Guy Smit treyjunni, drullusama. pic.twitter.com/ODIMmeHbci
— Hrafnkell Freyr Ágústsson (@hrafnkellfreyr) May 29, 2022
Athugasemdir