Boateng spilaði aðeins tvo af þremur leikjum Þýskalands á HM eftir að hafa verið rekinn af velli gegn Svíþjóð. Matthaus var ekki hrifinn af frammistöðu Boateng og vill sjá hann einbeita sér meira að fótboltanum.

„Ég held að hann þurfi að hugsa um hvort að fótboltinn sé það mikilvægasta eða sólgleraugun og eyrnalokkarnir. Í fyrsta lagi þurfa hlutirnir að vera í lagi inni á vellinum,” sagði Matthaus.

Matthaus sneri sér svo að Joachim Löw sem hann vill sjá áfram í starfi þrátt fyrir vonbrigðin í riðlakeppninni.

„Ég er aðdáandi Joachim Löw. Hann mun verða yfirheyrður af knattspyrnusambandinu en hann verður ekki rekinn. Hann á það ekki skilið og þeir munu leyfa honum að ráða þessu,” sagði Matthaus.