„Við unnum hart fyrir þessum sigri og verðskulduðum hann að mínu mati. Það er geggjuð tilfinning að ná að klára þennan leik. Við erum búnir að spila heilt yfir helvíti vel í sumar og ekki alveg upp uppskerað sem okkur finnst við hafa átt að fá. Það var rosalega dýrmætt og mikilvægt að ná í öll stigin í dag." voru fyrstu viðbrögð Úlfars Arnars þjálfara Fjölnis.
Lestu um leikinn: Fjölnir 3 - 1 HK
„Ég er ofboðslega ánægður með liðið mitt. Mér fannst við sýna rosalega mikið hjarta og mér fannst allir stíga upp."
Halldór Snær Georgsson spilaði sinn fyrsta meistaraflokksleik fyrir Fjölni þegar hann kom inn í liðið fyrir Sigurjón Inga Harðarson og hrósaði Úlfar Arnar Halldóri að leikslokum.
„Ég verð að fá að minnast á þann unga dreng. Hans fyrsti Meistaraflokksleikur fyrir Fjölni og þessi líka frammistaða, hann spilaði eins og þrítugur. Frábær frammistaða hjá honum og ölllu liðinu."
Viðtalið í heild sinni má sjá í sjónvarpinu hér að ofan