fös 30. júlí 2021 15:30
Sæbjörn Þór Þórbergsson Steinke
Fimm Íslendingar hafa spilað með Aberdeen
Kári Árnason í landsleik 2017
Kári Árnason í landsleik 2017
Mynd: Fótbolti.net - Hafliði Breiðfjörð
Fimm Íslendingar hafa spilað með skoska liðinu Aberdeen. Á þessu var vakin athygli á Twitter-reikningnum '(Ó)áhugaverðar staðreyndir um íslenska knattspyrnu' í gær.

Breiðablik mætir einmitt skoska liðinu í 3. umferð forkeppni Sambandsdeildar. Fyrri leikur liðanna fer fram á fimmtudag á Íslandi.

Þeir Íslendingar sem spilað hafa með Aberdeen eru þeir Kári Árnason, Þórarinn Brynjar Kristjánsson, Haraldur Ingólfsson og bræðurnir Calum Þór og Baldur Bett.

Kári var á mála hjá félaginu 2011-2012 og svo aftur 2017-18. Hann spilaði alls 54 deildarleiki.

Tóti lék þrjá deildarleiki tímabilið 2004-05, Halli lék sex leiki tímabilið 1996-97 á láni frá ÍA.

Calum lék fimm leiki á árunum 2000-02 og Baldur lék tvo leiki á árunum 1998-2000. Bett-bræður hófu sína ferla hjá Aberdeen.

Þá lék Gunnar Einarsson á sínum tíma fyrir unglinga- og varalið Aberdeen en spilaði ekki fyrir aðalliðið.


Athugasemdir
banner
banner
banner
banner